Түбән Каманың берничә урамында яңа тукталышлар урнаштырганнар. Алар гадәти тукталышлардан заманчалылыгы белән аерылып тора. Моңа журналист Ринат Билалов шәхсән инанган. Үзенең инстаграм битендә ул «Лемаев мәйданы»ндагы тукталыш фотосын урнаштырып, «Дубай яисә Анталиядәге кебек» дип яза.
Дөрестән дә, әлеге тукталышларда кондиционер, җылыткыч, телевизор, розетка һәм Wi-Fi бар. Шәһәр халкы да әлеге корылмаларны үз итеп, саклап тотарга тырыша.