22 июль Балык бистәсе районы Яңавыл авылында яңа төзелгән “Әхмәтсафа” мәчете ачылды. Тантанада Татарстан мөфтиенең беренче урынбасары Рөстәм хәзрәт Вәлиуллин, Татарстан мөфтиенең мөхтәсибәтләр белән эшләү буенча урынбасары Мансур хәзрәт Җәләлетдинов, Авыл хуҗалыгы һәм азык-төлек министры Марат Әхмәтов, Балык бистәсе районы башлыгы Илдар Таҗетдинов, район имам-мөхтәсибе Рамазан хәзрәт Хисаметдинов катнашты.
Шулай ук Сәйдә Мөхәммәтҗанова, Гүзәл Уразова кебек популяр җырчылар да бар иде.
