Популяр җырчы Элвин Грей белән бергә, бер сәхнәдә эшләргә теләүчеләр бик күп. Андыйлар өчен супер-шанс бар, чөнки Радик Юльякшин үзенең иҗат төркеменә кеше эзли. Бу хакта артист инстаграмында хәбәр итә.
Элвин Грей үзенең командасына бас гитарачы эзли. Хатын-кыз гитарачы булса, бигрәк тә шәп. Әгәр дә арагызда яшь, талантлы гитарада уйнау осталары бар икән, үзегезне видеога төшереп, роликны Инстаграмга урнаштырыгыз. Видео астында #ЭлвинГрейБас хэштегы кую да бик мөһим. Бәлки тиздән Радик белән бер сәхнәдә нәкъ менә сезне күрербез, уңышлар!