Җырчы Ландыш Нигъмәтҗанова бу юлы кечкенә игезәк балалар тотып төшкән фотоны Инстаграмга урнаштырган.
«Хәерле көннәр! Матур көннәр! Гомер буе кызыктым игезәкләргә», дип язган.
Инстадуслары арасында үзенең өч баласы булса да, җырчының тагын бала алып кайтырга нияте юк микән дигән фикерләр дә туа ахры. Фото астына да: «Бик килешә сезгә! Тагын алып кайтыгыз!», «ИншаАллаһ сезгә дә насыйп булыр! Аллаһтан сорагыз! Балаларны бик яратасыз бит. Аллаһ күрә, белеп тора», дип язучылар шактый җыелган.
Фото: Ландыш Нигъмәтҗанованың Инстаграмыннан алынды