Татарстан / Төп яңалык / Эксклюзив

Илшат Әминов “Шаян ТВ” балалар каналының кайчан популяр булачагын юрады [видео]

Илшат Әминов “Шаян ТВ” балалар каналының кайчан популяр булачагын юрады [видео]

//Tatar-today.ru// Рөстәм Исхакый фотолары//

12 ноябрьдән балалар өчен тәүлек буена татарча “Шаян ТВ” каналы күрсәтә башлый. Яңа канал тәүлек буе татар телендә эшләячәк. Татарча аңлап бетермәгән кунакларга урысча да аңлатма бирәчәкләр. Алып баручы сүзләрне урысчадан татарчага тәрҗемә итеп бара.

View this post on Instagram

12 ноябрьдән балалар өчен тәүлек буена татарча "Шаян ТВ" каналы күрсәтә башлый. Татарча аңлап бетермәгән кунакларга урысча да аңлатма бирәчәкләр. Алып баручы сүзләрне урысчадан татарчага тәрҗемә итеп барачак. ─ ─ ─ ─ ─ ─ ─ ─ ─ ─ ─ ─ ─ ─ ─ "Шаян ТВ" Татарстанның мәгариф министрлыгы ярдәме белән эшли. Сүз уңаеннан, Илшат Әминов беренче нәтиҗәләрне төгәл 3 айдан соң күрергә өметләнә. ─ ─ ─ ─ ─ ─ ─ ─ ─ ─ ─ ─ ─ ─ ─ "Шаян ТВ" каналын "Таттелеком" операторында, кабель аша, цифрлы мультиплекста, shayantv.ru сайтында һәм Youtube-та карап булачак. Калган операторлар белән дә сөйләшүләре бара. ─ ─ ─ ─ ─ ─ ─ ─ ─ ─ ─ ─ ─ ─ ─ #татартудей #тнв #татартудейхәбәрләре #шаянтв @shaiantv @tvtnv #татарча #татарстан

A post shared by Tatar-today (@tatar.today) on

“Шаян ТВ” Татарстанның мәгариф министрлыгы ярдәме белән эшли. Шуңа күрә яңа каналның балаларны уку-укыту мәсьәләсендә дә өлеше зур булачак. Оригинал програмнар, уен-шоулар, викториналар, тәрҗемә ителгән фильмнар, мультфильмнар, фәнни-популяр, әдәби тапшыруларны караган балалар татарча гына сөйләшә башлаячаклар, дип фаразлый каналны оештыручылар. Сүз уңаеннан, Илшат Әминов беренче нәтиҗәләрне төгәл 3 айдан соң күрергә өметләнә. “Өч айдан “Шаян” балалар арасында популяр булыр дип көтәм”, ди ул.

Яңа каналда күрсәтеләчәк мультфильмнарны сыйфатына һәм эчтәлегенә карап сайлаганнар. Аларга күп тавышлы тәрҗемә ясалган. “Шаян ТВ” балалар өчен популяр каналга әйләнергә тиеш. Күрсәтеләчәк мультфильмнар да аларга ошар дип өметләнәбез”, ди ТНВ җитәкчесе.

“Шаян ТВ” тулысынча дәүләт канаты астындагы канал. Бюджеты 100 миллион сумнан күбрәк булачак, диде Әминов. Чыгымнарның өчтән ике өлеше җиһазлар алу, студия ясауга киткән, калганы сигнал тарату, контент һәм башка чыгымнар.

Әлегә каналны “Таттелеком” операторында, кабель аша, цифрлы мультиплекста, shayantv.ru сайтында һәм Youtube-та карап булачак. Калган операторлар белән дә сөйләшүләре бара.

 

Загрузка...

Добавить комментарий

Такой e-mail уже зарегистрирован. Воспользуйтесь формой входа или введите другой.

Вы ввели некорректные логин или пароль

Sorry that something went wrong, repeat again!