Блогер Tatar Malay хатыны Илүзә белән Мәскәүдә кемнәрне берләштермәкче?

-- Лэйсирэ

«Татар Малай» исеме белән танылган блогер Ринат Галиәхмәтов Мәскәүдә Татарстан Республикасының Россия Федерациясендәге Даими вәкиллегендә булган. Бу хакта вәкиллекнең матбугат хезмәте хәбәр итә. Ринат Галиәхмәтов илчелектә Татарстан Премьер-министры урынбасары — Татарстан Россиядәге Даими вәкилле Равил Әхмәтшин белән очрашкан.

Равил Әхмәтшин кунакка Даими вәкиллек эшчәнлеге һәм Мәскәүдә якташларны берләштерү эше турында сөйләгән. Шулай ук блогерны Россия башкаласында 24 ноябрьдә узачак «Мәскәү – Татарстан күпере» яшьләр форумына чакырган.

Ринат үз чиратында Instagramдагы популяр блогы турында сөйли. Биредә төп максат – Интернетта татар телен популярлаштыру һәм бөтен дөнья татарларын берләштерү.

Илчелектә очрашуда Ринатның хатыны Илүзә Галиәхмәтова да катнашкан. Аның Instagram блогында 20 мең язылучысы бар.

Татар Малай Татарстандагы кызыклы вакыйгалар турында хәбәр итә, флешмоблар куя. Бүген инде аның 90 меңнән артык язылучысы бар. Язылучылары арасында Татарстан Президенты Рөстәм Миңнеханов да бар.

Чыганак һәм фото: Татар-информ
Загрузка...

Бәйле

Добавить комментарий