Җырчы Илшат Вәлиев үзенең инстаграмында Элвин Грей белән Айдар Галимовның парлап чыгыш ясаулары турында үзенең фикерен язган. Радикны ул «Элвин Гәрәй» дип атап, башкарылган «Моңнар кайтсын авылга» җырының аңа балачагы, яшьлегенең бер чаткысы төсле булып тоелуы белән уртаклаша.
«Ул җырны тыңлаган саен тыңлыйсы килә иде. Ул музыкада җан бар иде. Анда безнең милли рух бар иде. Шуңа күрә бу җырны “заманча” дип ялган ярлык тагылган европа илләре музыкасына әйләндереп җырлауны мин үзем, читек өстеннән кроссовки кию белән чагыштырам. Аннары бу җырның авторлары Рамил Чурагулов һәм Ризван Хәкимов икәнен дә онытмыйк. Күпме чын халык җырына әйләнеп киткән җыр авторлары алар. Тик шулай да картларча, искечә фикерлисең, заманнан артта калгансың диючеләр дә күп булыр, беләм. Гел гармун белән курай гына булмый, яхшы битлар белән, заманча тавышлар белән эшләнгән музыка да кирәк. Дискотека да кирәк, “Үзгәреш”ләре дә бик кирәк. Тик “Үзгәреш” белән “Үтереш”не бутамыйк инде дуслар» дип яза Илшат Вәлиев.
Фото: https://vk.com/