Гүзәл Уразованың 6 яшьлек кызы Камилә беренче тапкыр җыр бәйгесендә катнашкан. Ул Зөлфия Минһаҗеваның җырын башкарып, Венера Ганиева оештырган «Сандугач — Соловей» конкурсында беренче урын алган.
«Бу аның беренче конкурсы. Җыр укытучысы әлегә юк. Котлыйм, балакаем, беренче конкурсың, беренче җиңүең белән! Камиләне конкурска әзерләгән Гөлия Бариевнага, балалар бакчасы мөдире Рита Харисовнага, бу конкурсны оештыручы Венера Ахатовнага зур рәхмәт! Балалар өчен зур имтихан, киләчәк тормышларында зур этәргеч булсын!» дип сөенече белән уртаклаша Гүзәл Уразова.
Фото: җырчының шәхси аккаунтыннан