Бердәнбер яраткан кызының үлеме өчен Мәскәүнең 67нче шәһәр хастаханәсеннән Белоруссиядән ир белән хатын 2 миллион сумга якын акча түләттерә алган. Яшь хатын гади медицина манипуляциясе вакытында үлгән: кан тамырына дарулар кертү өчен катетер урнаштырганда.
Фаҗига 2016 елда булган. Зур булмаган Борисова шәһәрендә яшәүче эшкуар һәм дәүләт хезмәткәренең кызы ул вакытка инде берничә ел Мәскәүдә яшәгән, эре компаниядә финансист булып эшләгән. Кызларының әни буласы турындагы шатлыклы хәбәр тиздән борчуга сала: табиблар авыруын саклап калу өчен хастаханәгә ятарга киңәш итә. Ул чакта йөклелек вакыты 17-18 атна тәшкил иткән. Халәтенең начарлануын сизеп, пациентка мөстәкыйль рәвештә 67нче шәһәр хастаханәсе каршындагы 1нче бала тудыру йорты бүлегенә бара. Вена аша дару кертү кирәк була. Әмма катетерны урнаштырганда-медвузларда укытыла торган иң гади операция, — бик тупас хата җибәрелә. Авырлы ханымның венасына зыян килә, ул санаулы сәгатьләрдә күп канын югалта һәм үлә.
Тетрәнгән ата-аналар адвокат ярдәмендә җинаять эше кузгатуга ирешә. Тик анестезиологны җаваплылыкка тартуга ирешә алмыйлар: ике ел эчендә Тикшерү комитеты гаепле дип таба, тик суд эшне вакыт узу сәбәпле япкан. Ә хастаханәнең вазыйфаи затларын гаепләү өчен дәлилләү базасы җитми. Шуңа да карамастан, дәгъвачылар вәкиле Сергей Гришин сөйләвенчә, ике әти-әнигә дә мораль зыянны компенсацияләү сыйфатында 700 мең сум акча биргәннәр, шулай ук җирләүгә киткән чыгымнарны (430 мең сумга якын) кире кайтарганнар.
Чыганак: www.mk.ru