Җырчы әниләрен югалтуын язды. Әнвәр Нургалиев инстаграм битендә әнисе авырганын хәбәр иткән иде инде. Әнисе озак вакыт хастаханәдә ятты. Бүген исә җырчы әниләрен югалтуын язды.
«Әнием урының оҗмахта булсын. Бик авыр, әлегә ышанасы килми. Күпме тырышсак та, саклап калып булмады.
Әниебез зур йөрәкле кеше иде. Биш бала тәрбияләп үстерде, тормышны, кешеләрне яратырга өйрәтте» дигән ул инстаграмдагы сәхифәсендә.
Әнвәр Нургалиевның һәм туганнарының зур кайгысын без дә уртаклашабыз.