Узган төндә Казанга кайткан Бангкок (Таиланд) самолетының барлык 111 пассажирын карантинга җибәрәләр. Башта температураның дистанцион үлчәме үткәрелде, дип хәбәр итте ТР Президенты матбугат хезмәте җитәкчесе Лилия Галимова.
«111 кеше (алар арасында 17 бала) “Ливадия” санаториена урнаштырылды. Нигездә бу Татарстан Республикасында яшәүчеләр», — диде Галимова.
Кунаклар арасында күрше төбәкләрдән килгән кешеләр дә бар, дип билгеләп үтте ул. Ике атна дәвамында санаториядә Самара, Киров, Пермь һәм Пензада яшәүчеләр булачак. Иртән беренче медицина тикшерүе һәм анализлар алу узды. Элегрәк хәбәр ителгәнчә, пассажирлардан тыш, шифаханәдә медицина белгечләре дә яшәячәк.
Югары температуралы кешеләр ачыкланса, аларны шунда ук хастаханәгә җибәрәчәкләр, дип искәртәләр.
Чыганак: "БИЗНЕС Online"