Краснодар краеның Сәламәтлек саклау министры урынбасары Валентина Игнатенко төбәк хастаханәләре башлыклары белән үткәрелгән видеоконференция барышында медикларны бахилалар булмауда гаепләде.
“Әйтегез әле, зинһар, бахилаларны тегүнең кыенлыгы нидә?”- ди ханым киңәшмә барышында.
Ул саклагыч костюмнар, битлек яки респираторлар җитмәүне таный. Тик бахиллар – “ике чүпрәкне тегү” бит инде.
“Ике-өч санитарка утыртыгыз да, тегеп бирсеннәр, – дип аңлата түрә. – Ни өчен сез күктән төшкәнен көтеп ятасыз?”
Ул медицина әйберләрен тегүгә бәйле проблема булмаячак, дип саный, чөнки “хәзер халык өйдә утыра” һәм халыкның ” бер эше дә юк”.
Аеруча Усть-Лабинск хастаханәсенә эләкте. Бу “колхоз”да зур булмаган бүләк өчен теләсә кем бу эшне эшләп бирә, дип саный министр урынбасары: “мең сум түләгез – сезгә теләсә кайсы хатын-кыз бахилалар тегеп бирәчәк”.
Чыганак: mk.ru