Самарада укучы сыйныфташына антисептик сибкән һәм ут төрткән. Бу хәлне җирле прокуратура тикшерә.
Күзәтчелек ведомствосы мәгълүматларына караганда, бу хәл тагын 25 гыйнварда Красноглин районында булган. Малай кызга дәрестә күчерергә сораган, ә тегесе баш тарткан. Ул чакта хулиган сыйныфташын дәресләрдән соң сагалап тора, курткасына зарарсызландыручы матдә сибә, ә аннары шырпы белән ут төртә. Кызга ярдәмгә узгынчылар килгән, куртканы вакытында сүндергәннәр. Шуңа да карамастан, кызның әти-әнисе полициягә мөрәҗәгать иткән.
Бу факт буенча тикшерү бара. Бу хәлнең сәбәпләрен балигъ булмаганнар эшләре буенча комиссия утырышында тикшерәчәк, дип хәбәр итә «Самара онлайн».
Чыганак: Самара онлайн
