Данирның да күрмәгәне калмаган икән!

Данир Сабиров Инстаграм сәхифәсендә балачагын, үсмер вакытларын искә ала.

Аның язмаларын инстадуслары көтеп ала. Чыннан да, егет бик мавыктыргыч һәм матур итеп яза белә. Ул Татарстанда туып, Үзбәкстанга китүләрен, анда әнисенең чит җиргә ияләшә алмыйча бик интегеп яшәвен, кире Татарстанга кайтуларын язган.

Аннары алар озак кына тулай торакта яшәгән. Әтиләре милициядә эшләгән. Ләкин әтисе белән әнисе арасында нидер була һәм ир, ике баласы белән хатынын калдырып, кире Үзбәкстанга китә. Шул чорда әнисе үз тормышын кормакчы булып, бер ир белән таныша. Кыскасы, Үзбәкстаннан Данирның әтисе кире кайтуга ул инде икенче кешедән авырлы булган. Ир баланы үзенеке итеп кабул итә һәм гаилә арытаба бергә яши башлый.

Иң кызганычы — алда. Данир җәйләрен авылда картәни-картәтисендә үткәргән була. Картәнисе 52 яшендә генә авыр чирдән үлгәч, картәтисе янында улы белән ирдән аерылып кайткан кече кызы яши. Ул апасын Данир бик җылы сүзләр белән искә ала. Ләкин авыр тормышта ирдән кыйналып торган хатын вакыт-вакыт эчкәләп алырга күнеккән була.

Данир авылда бигрәк тә балыкка йөрергә ярата. Көннәрдән беркөнне ул таң белән балык тоту әйберләр алырга келәткә керсә, анда апасы асылынып тора… Бу үсмернең гомерендәге иң коточкыч мизгел булган…Әлегә шулар.

Чыганак: https://kiziltan.ru/articles/kultura/2021-12-02/danirny-da-k-rm-g-ne-kalmagan-ik-n-2603811

Загрузка...

Бәйле

Добавить комментарий