«Укып бетергәннән бирле эшләдем, ләкин үз гомеремдә бер грамота да күрмәдем»

Шушы көннәрдә генә зур юбилеен билгеләп үткән бер танышым: «Укып бетергәннән бирле эшләдем. Теләсә нишләп тә йөрмәдем, озаклап авырып та ятмадым, сәбәпсез эш калдырганым да булмады. Минем белән бергә эшләгән кешеләрне алдынгы итеп бүләкләделәр дә, мактадылар да… Ә мин үз гомеремдә бер грамота да күрмәдем», – дип куйды. Уңайсыз булып китте.

Мин нәрсә әйтергә дә белми аптырап торган арада үзе үк, шаяруга борып: «Әй, болай гына әйттем инде. «Тегендә» барырга мактау кәгазе дә кирәкми, исем-медальләр дә сорамыйлар бит», – диде. Мин дә, әрнегән җанын борчымыйм инде дип, сүзне башкага бордым. Әмма трубканы куйганнан соң да аның: «Үз гомеремдә бер грамота да күрмәдем», – дигән сүзләре озак тынгы бирмәде. Болай гына әйттем дисә дә, күңелендәгесен әйтте бит бу, дип уйландым.

Болай дип өзгәләнүчеләр, ышанам, бер ул гына түгелдер. Бу очракта үземчә аның хезмәтен күрмәүләренә сәбәпләр эзлим: шәһәрдә, зур коллективта бөтен кешене дә күреп, бәяләп бетерә алмыйлардыр инде дим. Ә үзем шул ук калада да читтәгеләрне дә чит итмәгән коллективлар барлыгын искә төшереп, бу аклануны кире кагам. Төп сәбәпнең авыл яки шәһәргә генә бәйле түгеллеген дә беләм. Авылларда да күләгәдә калганнар күпме бит. Юкса, нәрсә инде ул грамота – мактау таныклыгы, рәхмәт сүзе! Аларны бирер өчен зур ачышлар, уңышлар һәм… күп акча да кирәк түгел ләбаса! Бир инде шуны, сәбәбен тап, җылы сүзеңне кызганма. Бу кадәресенә акыл да,  зур оештыру чаралары да кирәкми, күңел бирү дә җитә.

Миңа калса, монда тагын шунысы да бик мөһим: һәрбер кеше куйган хезмәтләренә тиешле бәяне, кадер-хөрмәтне эшләп торган чакта – яшь чакта  күрергә тиеш. Тамчы кадәрлесенә генә дә сөенерлек чакта. Стимул бирү өчен дә кирәктер бу. Дөрес, хәзер яшьләр, бәлки, безнеңчә уйламыйдыр да инде, алар өчен бу фикерләр, бу бәяләүләр – искелек калдыгыдыр, социализм чоры идеологиясе дип саналадыр? Алар өчен иң шәп стимул – югары хезмәт хакы кебек. Анысы да кирәк. Һәр заманның – үз бизмәне. Тик, анализлап карасаң, берсе икенчесенә һич тә комачауламый. Әнә яшь җырчылар, сәнгать әһелләре, мактаулы исемнәр алгач, ниндидер бәйгеләрдә җиңгәч, шатлыкларын һич тә яшерми бит. Шулай ук һөнәри бәйгеләрдә җиңүче башкалар да, беренче тапкыр зур сәхнәгә чыгып, гади генә рамга куеп бирелгән мактау кәгазе алучылар да шатлана, аларны социаль челтәрләргә куя (әле үзләре генә дә түгел, якыннары да бүлешә бу шатлыкны). Гаепләп язуым түгел, мондый стимулларга замана яшьләренең дә битараф булмавын гына әйтергә җыенам. Җылы сүзнең әле беркемгә дә артык булганы юктыр, мөгаен (ихластан һәм тиешенчә булса). Шөкер, моны аңлап эш оештыручылар, «бер кулында – кәнфит, бер кулында – чыбыркы» булган, ягъни эшләтә һәм таләп итә дә, хезмәтләрен вакытында бәяли-күрә белүчеләр дә бар. Шул ук вакытта лаеклы ялга китәр вакыты җитеп тә, бер мактау кәгазе күрмәүчеләр дә…

Чыганак: https://vatantat.ru/2022/02/74027/

i

Рекламодатель:
ERID:
ИНН:

"Кияүнең баласына ияләштем..."

“Кызым моны белми. Соңрак мине аңлар, дип ышанам”. “Кызым өйләнеп аерылган кешегә кияүгә чыкты безнең.

i

Рекламодатель:
ERID:
ИНН:

"Бала карап утырырга гына димәгән"

Алия Төхвәтуллинаның тетмәсен теткәннәр әле. “Алия үзе эшли, пешерә беләме ул? Сторис куйса да, гел

i

Рекламодатель:
ERID:
ИНН:

Кемнәргә 300 мең сумнан күбрәк хезмәт хакы түлиләр?

Россиядә югары разрядлы токарьлар, пилотлар, стоматолог-имплантологлар, топ-менеджерлар һәм башка күп кенә белгечләр аена 300 мең

i

Рекламодатель:
ERID:
ИНН:

Гөлзада Сафиуллина театрны тәнкыйтьли: "Әлфия апаны җиңел холыклы, «самодур» итеп мыскыллап күрсәттеләр"

Татарстанның халык җырчысы Гөлзада Сафиуллина бөек шәхесләрне сәхнәдән дөрес итеп күрсәтмәүләре хакында “Интертат” сайтына интервьюсында

i

Рекламодатель:
ERID:
ИНН:

Ләйлә Галиева аерылышканнан соң ире Рөстәм Галиевка нәрсә дип язган?

Җырчы Рөстәм Галиев бу көннәрдә «Туган тел» телеканалы оештырган тамашада чыгыш ясаган. «Рөстәм Галиев –

i

Рекламодатель:
ERID:
ИНН:

Азат Фазлыев студент чакта ничек акча эшләгән, беләсезме?

Җырчы Азат Фазлыев үзенең яшь чакларын искә төшерә. Аңа университетта укыган вакытта эш белән укуны

i

Рекламодатель:
ERID:
ИНН:

Зәринә Хәсәншинаның әнисе: "Аерылган ир белән йөрү..."

Җырчы Зәринә Хәсәншина әнисе Фәнисә белән «норм яки стрем» дигән сорашу үткәргән. – 30 яшьтә

i

Рекламодатель:
ERID:
ИНН:

Махсус операциядә һәлак Камил Шакировның игезәкләре туган

Балык Бистәсе районыннан мобилизацияләнгән һәм махсус хәрби операциядә батырларча һәлак булган Камил Шакировның игезәк кызлары