Узган атнада, 27 февральдән 5 мартка кадәр, Гражданлык хәле актларын теркәү идарәсенең Казан бүлекләрендә 401 бала — 200 малай һәм 201 кыз тууы теркәлгән. Шул ук вакыт аралыгында 184 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.
Иң кечкенә сабый 990 грамм авырлыкта туган, ә иң зурысы 4920 грамм тәшкил иткән.
Атнаның иң популяр исемнәр арасында Әмир, Ярослав, Матвей, Азамат, Ясмин, Ева, Риана булган, ә иң сирәк исемнәр – Авдей, Тамир, Роберт, Серафима, Мелисса, Айсель.