Кичә иртәнге сәгать 7ләр тирәсендә Кукмарада ике җиңел машина бәрелешкән, бер кеше хастаханәгә озатылган.
Беренчел мәгълүматлар буенча, Кукмара җирле юлында KIA Rio һәм «ВАЗ 21015» бәрелешкән. Бәрелүдән чит ил машинасы бетон баганага барып төртелгән.
Шаһитлар сүзенә караганда, юл-транспорт һәлакәте нәтиҗәсендә безнең ил җиңел машинасы шоферы зыян күргән, аны “Ашыгыч ярдәм” белән алып киткәннәр.
чыганак: https://vatantat.ru/2023/06/116111/