Популяр җырчы Руслан Кираметдинов тагын бер концертын күчерүе турында хәбәр итте.
– Мари Эльда, Бәрәңгедә концерт куйдык. Белмим, бу тавышка нәрсә булгандыр…Әллә күз тидерделәр, әллә сихерләделәр… Шуңа күрә Балтачта булачак концертыбызны 6 гыйнварга күчерәбез. Үпкәләмәгез. Миңа туган көн концертына кадәр аз гына ял кирәк. Сезнең белән, Аллаһ боерса, Яңа елдан соң күрешербез, – ди ул.
Руслан үзенең туган көнендә Чаллыда популяр җырчылар катнашында зур концерт куярга җыена. Терелеп, тамашачысы белән очрашырга насыйп булсын аңа.
чыганак: https://vatantat.ru/2023/11/128457/ ТАТАР ТУДЕЙ ТЕЛЕГРАМ КАНАЛЫ - https://t.me/tatartoday