Башкортстанның халык артисты Әнвәр Нургалиев аңа балачакта ни өчен мондый кушамат такканнарын сөйләде.
Аны «Юрик» дип атап йөрткәннәр. Бу аның җырлары белән бәйле булып чыкты.
Җырчы «Электрогазета»га биргән интервьюсында Әлшәй районында, кечкенә татар авылы Әврезтамакта туганлыгын сөйли. Хәзер ул картадан бөтенләй диярлек юкка чыккан, анда бик аз кеше яши. Әнвәр балачактан җырлый, чөнки гаилә музыкаль булган: әтисе баянда уйнаган, әнисе матур җырлаган.
Әнвәр Нургалиевны балачакта дуслары «Юрик» дип йөртәләр, чөнки ул Юрий Шатунов репертуарыннан барлык җырларны җырлый. Аңа бу кушаматны Әлшәй районы үзәге Раевка бистәсе кызлары биргән. Алар җәй көне авылга балалар лагерына килә торган булган.
«Без иртәнгә кадәр утыра, җырлый, гитарада уйный идек. Бу чор турында иң яхшы истәлекләр сакланган», — дип сөйли Әнвәр Нургалиев.
чыганак: https://kiziltan.ru/articles/kultura/2024-02-10/nv-r-nichek-yurik-bulyp-kitk-n-3638398