«Миңа андый сыйфат бирелмәгән», — дип уфтана Вадим Захаров. Нинди сыйфат икән ул?
Җырчы «Туган тел» телеканалындагы «Сер итеп кенә» тапшыруында катнашкан. Ул үзенең артык гади булуы турында сөйләгән.
«Cалават абый соңгы арада бик сүкте инде мине. «Вадим, моның хәтле гади булырга ярамый», – дип. Нишлисең инде, тәрбияң шундый булгач. Ул тәрбиядән генә дә килмидер инде, аңлау, фикерләү тора-бара, яшәгән саен килә. Дөньяга карашым шундый инде минем. Мине мактап үстермәделәр дә.
Кайбер кеше үзен мактаганны ярата. Миңа шул җитеп бетми. Төркемдәге егет-кызлар да әйтәләр: «Вадим Борисыч, нигә син, чыгып, азрак үзеңә кул чаптырмыйсың?» – дип. Миңа бирелмәгән ул үзеңне эре итеп, өстен кую. Шуңа безнең концертлар да шундый – тамашачы белән аралашуга корылган», – дигән җырчы.
чыганак: https://kiziltan.ru/articles/kultura/2024-04-25/salavat-abyy-da-s-kte-inde-mine-3741702 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday