«Ун артист кына акча эшли…»

Бу эшелонга безгә билет калмады, дип хафалана Винарис Ильегет. Сез килешәсезме?

«Без иҗатта инде, әле туктамадык. Минем бизнес та, икенче эшләрем дә күп. Хәзерге вакытта җырлап йөрү акчалы эш түгел инде. Безнең өлкәдә 10 артист кына акча эшли. Безне дә беләләр, яраталар. Бу эшелонга безгә билет калмады. Аңлыйсыңмы?

Планнар зур, күп алар. Эшләргә кирәк. Фирдүс белән Илсөяне карасаң – алар эшли, төнлә яталар, иртә торалар. Дөресен әйтәм, мин алай теләмим. Яңа җырлар яздырабыз. «Кайчан Лилия белән дуэт була?» дип көтәләр. Җырлы гаиләләр күп, ә без «просто гаилә булыйк» дим. Дуэт булачак, без аны ротациягә дә бирмибез, аны кеше көтә, табып тыңлаячак та. Ул булачак, алар бар, эшләп бетерергә кирәк. Бу – акча. Хәзерге вакытта 1 җырга минимум 300-400 мең сум (җыр, аранжировка, ротация, клип, костюм һ.б.) кирәк. 400-500 мең китә инде. Элек җиңелрәк иде, хәзер авыррак. Яшь тә бара бит инде.

Мин 92 яшькә кадәр яшим, дип йөрим. Ырымнарга, экстрасенсларга ышанам. Бер-берсе белән таныш булмаган берничә экстресенс шулай дип әйтте. Лилиягә, «Безгә бергә 92 яшькә кадәр яшәргә кирәк», дип әйттем. «Син яшәрсең, миңа ул вакытта 100 яшь була бит инде», – диде», – дип сөйләгән җырчы «Чаллы ТВ» телеканалындагы «Ачыктан-ачык» тапшыруында.

чыганак: https://intertat.tatar/news/vinaris-ileget-xazerge-vakytta-yrlap-ioru-akcaly-es-tugel-5866027
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Бәйле