«Бу чибәр ханымны берәрегез Азнакай янындагы урманда очратса, ул минем әни була. Сәлам әйтерсез. Әнинең үзенә күрә бер йола ул: ел да шушы киемнәрен киеп, җиләк җыярга бара», – дип язган Данир Сабиров социаль челтәрдәге сәхифәсенә җиләкле чиләк тоткан әнисенең фотосын куеп.
Артистның әнисе Флүзә ханым җиләккә үзе генә бармаган, аның янәшәсендә Данирның әтисе дә бар. Ул фотоларны үзенең «Шөкер ит» җырына салган.
«Бер тамчы сөю җитә», – дип җырлый артист.
«Әтиең кайттымени җиләк җыярга?» – дип шаярткан берәү, аларның бергә яшәмәвенә ишарә ясап.
«Монда Данирның җыры әйтә инде», – дип җавап биргән икенчесе.
«Иң мөһиме, монда әтисе әнисе янында», «Әти-әни бергә булганда, бала бәхетле», – дигән комментарийлар да бар.
чыганак: https://intertat.tatar/news/danir-sabirovnyn-atise-belan-anise-kabat-kusylganmy-5867046 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday