Узган төндә Татарстанда юл һәлакәте булган. Актаныш районы Әнәк авылы янәшәсендәге юлда коточкыч авария килеп чыккан.
“М7” юлының чама белән 1138нче чакрымында «Kia” белән “Man” йөк машинасы маңгайга-маңгай бәрелешкән. Башлангыч мәгълүматларга караганда, җиңел машинада 5 кеше, шул исәптән өч бала булган.
Медиклар авария булган урыннан “Kia” шоферын һәм өч пассажирын хастаханәгә озаткан. 8 яшьлек кыз бала шундук һәлак булган.
Баланың әтисе “Ашыгыч ярдәм” машинасында җан биргән.
Чыганак: https://tatar-inform.tatar/news/aktanysta-avariyada-8-yaslek-kyz-ham-ir-at-halak-bulgan-tagyn-oc-kese-imgangan-5890200 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday