Казанда 2 бармагын чабып өзгән үсмергә полиция капитаны, Россия Эчке эшләр министрлыгының Казан буенча идарәсе Дәүләт автоинспекциясе хезмәткәре Илсур Галиев ярдәм иткән.
Казанның Тынычлык урамында Галиев ярдәм сораучы хатынны күреп ала. Аның 14 яшьлек улы утын ярганда кулындагы 2 бармагын чабып өзгән. Гаилә баланы шәһәр хастаханәсенә алып барырга маташа, тик хәрәкәт бик акрын була.
Галиев бу турыда дежур частькә хәбәр итә, малайны һәм аның ата-анасын патруль машинасына утырта һәм, махсус сигналлары кулланып, аларны Балалар республика клиник хастаханәсенә илтә. Табиблар балага операция ясый.
Хәл бик җитди булуга карамастан, үсмер үзен тыныч тота, әнисен тынычландырырга тырыша, диелә хәбәрдә.
чыганак:https://www.tatar-inform.ru/news/kazanskii-policeiskii-spas-podrostka-posle-nescastnogo-slucaya-5955812 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday