Популяр алып баручы Гөлназ Сәфәрова социаль челтәрләрдә ире һәм улы белән төшкән фотоларын күрсәтте. Аның бу посты игътибарга лаек, чөнки алып баручы шәхси тормышы белән бүлешергә, якын кешеләренең фотоларын күрсәтергә гомумән дә яратмый.
Улына 13 яшь тулган көнне Гөлназ, бу кагыйдәләрдән читләшеп, искәрмә ясаган. Бүген аның сәхифәсен тормыш иптәше Ленар Мухин һәм улы Айдан белән төшкән фотолары бизи.
«Туган көнең белән, улым. Син үзссүзле һәм бик принципиаль. Тиз кызып китүчән һәм бик яхшы күңелле. Бик көчле юмор хисле һәм көдрә чәчле.
Нинди генә булсаң да, бәхетле бул! Үз-үзеңә тугры бул, елмай һәм игелекле булып үс», – дип, улына матур сүзләр дә яза Гөлназ.
Шулай ук Гөлназ Сәфәрова иренең һәм үзенең балачактагы фотоларын урнаштырып, Айданның кемгә күбрәк охшавын да сораган.
Күпчелек «Айдан – әтисенең копиясе» дигән фикердә. Әнисенең дә, әтисенең дә чалымнары бар», – дигәннәре дә очрый. Барлык язылучылары да Айданның бәхетле булып үсеп, хыялларының тормышка ашуын теләгән.
чыганак: https://intertat.tatar/news/golnaz-safarova-ire-belan-toskan-fotosyn-kursatte-5868006 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday