Вадим Захаров бу көннәрдә бик игелекле гамәл эшләгән. Үзенең командасы белән мөмкинлекләре чикле балалар йортына барып, концерт куйган. Сабыйларны баллы күчтәнәчләр һәм пылау пешереп тә сыйлаганнар.
«Мондый очрашулардан соң тормышка башкача карый башлыйсың, уйланасың. Һәрбер секундның кадерен белеп, шатланып яшәгез», – дип яза Вадим Захаров.
Балаларның чын күңелдән сөенүләрен, Вадим абыйларына кушылып җырлаганнарын күреп, җырчының «подписчик»ларының күңел тулган.
«Елап шешенеп беттем. Рәхмәт яусын, егетләр. Балакайлар. Икенче барганда мине дә алыгыз әле үзегез белән, ярдәм итәр идем», – дигән блогер, бакчачы Рәмзия.
«Бәбекәйләрем, күз яшьләрсез карап булмый. Вадим, изгелегегез үзегезгә меңләтә кайтсын»;
«Нинди сөенеч балалар өчен. Аларга күп тә кирәкми бит»;
«Вадимны кочаклап җырлыйлар бит, бәбекәйләрем. Ничек сөенәләр, җанашларым»;
«Егетләр, уйламаган җирдән дәүләтләр насыйп итсен үзегезгә Ходай», – дип язалар җырчыга.
чыганак: https://intertat.tatar/news/vadim-zaxarov-yatim-balalarny-soendergan-5868361 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday