Ставропольеда күп балалы гаиләле йорт-җирсез калган. Бу турыда Россия Гадәттән тыш хәлләр министрлыгы хәбәр итте.
Каменнобродская станицасында шәхси йортта 6 нәни бала һәм аларның анасы яши. Өйдә ут чыга.
Бары тик бәхетле очрак аркасында гына барысы да исән кала. Янгын башлангач, нәни кыз уяна һәм туганнарына дәшә. Әни кеше балалары белән бергә дөрләп янган өйдән чыга, диелә хәбәрдә.
60 квадрат метр мәйданга таралган янгынны коткаручылар сүндерә.
Янгынның якынча сәбәбе – озынайткычта кыска ялганыш.
«Йортка янгын турында хәбәр итә торган җайланма урнаштырыгыз. Ул куркыныч турында алдан кисәтә. Үзеңне дә, гаиләңне дә, милегеңне дә коткарырга өлгерерсең», – дип кисәтә Гадәттән тыш хәлләр министрлыгы.
чыганак: https://t.me/mchs_official/21924 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday