Кичә төнлә Башкортстанның Октябрьск шәһәрендә күлдән бер егет 20 яшьлек дустының мәетен тартып чыгарган. Бу хакта Башкортстан МЧС матбугат хезмәте хәбәр итә.
Россия Гадәттән тыш хәлләр министрлыгының Кече суднолар дәүләт инспекциясе хезмәткәре мәгълүматларына караганда, ике дус егет “Спартак” предприятиесе күле пляжында ял иткән. Берсе күлдә коенмакчы булып, суга кергән дә баткан. Дусты шундук ярдәмгә килеп, аны тартып чыгарган. “Ашыгыч” ярдәм табиблары, күлдән тартып чыгарылган егетнең үлүен раслаудан гайре, берни эшли алмаган.
“Спартак” күле пляжы су коену өчен җиһазланылган булса да. коену сезоны тәмамлану сәбәпле, биредә иминлек тәэмин ителми. Мәрхүмнең мәете полиция хезмәткәрләренә тапшырылган. Оператив-тикшерү чаралары уздырыла.
Чыганак: https://vatantat.ru/2024/09/151386/ ТАТАР ТУДЕЙ ТЕЛЕГРАМ КАНАЛЫ - https://t.me/tatartoday