Рөстәм Нәбиевны мошенниклыкта гаеплиләр

Язылучылары аларга күңелле яллар тели. Ләкин бер ханым дәгъвалар белән дистәләгән шәрехләр калдырган.

Башкортстанда яшәүче ханым мошенниклар корбаны булган икән. Нәбиевнең фейк битеннән билгесез кешеләр комментарийларда  «Яңа ел сюрпризы» алу өчен сылтама җибәргән. Аның буенча күчкәч, кулланучылар фишинг-сайтка эләккән, анда янәсе болай гына түгәрәк сумма алу мөмкинлеге турында хәбәр ителгән. «Бәхетлеләргә» дәүләт пошлинасы түләргә тәкъдим иткәннәр. Шул рәвешле ышанучан язылучылар үз акчаларыннан язган.

Рөстәмнең башка язылучылары алданган хатынга аның мошенниклар корбаны булуын аңлата, ә блогерның монда катнашы юк. Әмма зыян күрүче барыбер булган хәлдә Нәбиевнең гаебе бар дип саный. Ул бит үз битендәге шәрехләрне вакытында модерацияләмәгән, шикле сылтамаларны бетермәгән.

«Мошенниклар минем битемнең күчермәләрен ясый, дип күп тапкырлар яздым. Мин моны контрольдә тота алмыйм, бу мөмкин түгел. Мошенниклар һәрвакыт булачак. Миңа һәр комментарийны күзәтеп тору өчен тәүлекләр буе социаль челтәрләрдә утырыргамыни?» — дип җавап биргән Рөстәм гаепләүләргә.