Продюсеры 10 яшьлек Гөлназ Асаеваны әти-әнисе ничек тәрбияләгәнен күреп һушы киткән.
Актер һәм телевидение алып баручысы Стас Ярушин «Музлофт-Тур» музыкаль проекты кысаларында Казанда булган, анда урындагы җырчылар белән аралашкан. Яңа чыгарылышта Башкортстанның атказанган артисты Гөлназ Асаева катнашты.
Шулай ук «Музлофт»ның әлеге чыгарылышында Асаеваның продюсеры Илдус Дәүләновны күрсәттеләр. Гөлназ аларның хезмәттәшлеге 10 яшендә башлануы турында сөйләде. Аның сүзләренә караганда, беренче вакытта студиядә аның әнисе Лилия Биктимерова да булган, ул шактый таләпчән булган.
- Минем әни продюсер иде. Илдус абый, әти-әнием минем иҗатым өстендә бергә эшләделәр. Бүгенге көндә дә Дәүләнов белән эшлибез. Ул студиядә әнинең миңа сукканын күрде. Мин нәрсәнедер дөрес эшләмәсәм, әни шундук җәзалый иде. «Син нишлисең, мелизмнар, хисләр кайда?» Мин басып торам, күз яшьләрем ага, анда нинди хисләр булырга мөмкин, — дип уртаклашты Гөлназ.
Дәүләнов 10 яшьлек Гөлназ белән эшләве бик авыр булуын сөйләде.
- Гөлназның әти-әнисе һәрвакыт аның янында булды һәм аны күзәтеп торды. Миңа «яздыру» төймәсенә генә басарга туры килде һәм бетте. Еш сүгәләр иде. Хәтерлим, бервакыт әнисе Гөлназга тапочкасы белән җибәргән иде. Мин шок хәлендә утырам, бу гаиләгә тыкшынмавың һәм дәшмәвең яхшырак, дигән уй белән. Миңа башмаклар очмады. Әмма Гөлназның тәрбиясе бик кырыс иде, — дип көлеп сөйләде продюсер.
чыганак: https://kiziltan.ru/articles/kultura/2025-01-17/min-shok-h-lend-utyrdym-4088175 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
—
—
