Татар милли хәрәкәте активистларының берсе – Гөлфәния Җәләлова вафат булган. Аңа 88 яшь иде.
“Әмма без алар уйлаганча, сарык көтүе түгел. Әгәр без туя белмәс Мәскәү табынына ел саен 800 миллиард сум ясак озатабыз һәм хөкүмәткә сайлаулар вакытында безнең республиканың ике миллионнан артык тавышы кирәк икән, без үз хокукларыбызны якларга да бурычлы. Балаларыбыз татар телендә белем алса гына без мөстәкыйль милләт булып саклана алабыз. Безнең балаларыбыз без Мәскәүгә озаткан салымнар хисабына мәктәп һәм югары уку йортларында бушлай укырга хокуклы. Бу – хөкүмәт кишәрлеге түгел, бу – безнең Ватан!”
Гөлфәния Җәләлов русча әйбәт белмәве аркасында күп кыенлыклар күрә, әмма үҗәт булуы сәбәпле, бирешми.
“96нчы мәктәптә эшли башлаган вакыт. Наилә исемле география укытучысы белән татарча сөйләшеп торганда, Аида Петровна дигән завуч: «Это неприлично говорить на языке, которого не знают другие», – диде. Татарча сөйләшергә тыялар иде! 126нчы мәктәптә эшләгәндә, укытучылар бүлмәсенә кердем. Бер урындыктагы абзый: «Как вас величать?» – ди. «Гөлфәния Латыйповна», – дим. «А как будет по-русски?» – ди. Ул үзен Владимир Дмитриевич дип таныштырды. «Как ваше имя будет на татарском?» – дип сорадым. Исемнәрнең тәрҗемә ителмәвен аңлаттым. Шунда миңа «милләтче» дигән исем тактылар. Аннары ул укытучы белән дуслаштык без”, – дип сөйләгән ул.
Гөлфәния Җәләлова, хатлар язып, Совет районында 20нче татар гимназиясен ачтырырга ирешә.
Гөлфәния Җәләлованың ире Габдуллаҗан биология фәннәре докторы, профессор. Алар 67 ел гомер кичерәләр, ике кыз тәрбияләп үстерәләр.
ЧЫГАНАК: https://intertat.tatar/news/milli-anly-ukytucy-golfaniya-alalova-tormys-ul-cacak-kebek-kena-bulmyi-5857077 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
ERID:
ИНН:
ERID:
ИНН:
ERID:
ИНН:
ERID:
ИНН:
