Быел Корбан бәйрәме 6 июньдә билгеләп үтеләчәк. Бу хакта Диния нәзарәтенең телеграм-каналында хәбәр ителгән.
Казан мәчетләрендә бәйрәм иртән-иртүк башлана:
2:00-3:00 сәгатькәчә – Коръән уку;
3:00-3:30 сәгатькәчә – вәгазь;
3:30 сәгатьтә – Гает намазы;
3:40 сәгатьтә – хөтбә , Коръән укуны дәвам итү һәм дога кылу;
Татарстанның барлык мәчетләрендә кояш чыкканнан соң 30 минут узгач гает намазын уку тәкъдим ителә.
5-9 июнь аралыгында һәр фарыз намазыннан соң – барлыгы 23 тапкыр Әт-Тәшрик тәкъбире әйтелә. Ир-атлар тәкъбирне кычкырып, хатын-кызлар пышылдап әйтә: “Аллаһу Әкбәр, Аллаһу Әкбәр! Лә иләһа илләллаһу валлаһу әкбәр. Аллаһу әкбәр вә лиллаһил хәмд”. Корбан чалу 8 июньгә кадәр кояш батканчы дәвам итәчәк.
ЧЫГАНАК: https://vatantat.ru/2025/04/168773/ ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
–
–
