Татарстанның танылган блогеры сөенече белән уртаклашты

Казанда яшәүче популяр блогер, «Ак Барс» матчларын алып баручы, әбисе белән кызыклы видеолар төшергән,

«Аляска» буларак танылган Алия Мәһдиева-Рәҗәпова икенче тапкыр әни булырга җыена. Аның 4 айлык көмәне бар. Бу шатлыгы белән ул социаль челтәрдәге сәхифәсендә уртаклаша.

Әле блогер баланың җенесен белми. Ул 4 кг га артуы, көчле токсикоздан интегүе, итле ризык ашыйсы килүе, гел туңам, дип хәзерге хәле турында язган.

Алиянең тормыш иптәше Марат – теш табибы. Алар 1,5 яшьлек Тим исемле малай үстерәләр.

ЧЫГАНАК: https://intertat.tatar/news/tatarstannyn-tanylgan-blogery-soenece-belan-urtaklasty-4-ai-5872992

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday