Мәетне келәмгә төрәләр һәм йортны яндыралар

Ике ир-ат бер хатын-кызны пычак кадап үтергәннәр, аның мәетен келәмгә төргәннәр дә үтерү кылынган йортка ут төрткәннәр. Җинаять Краснодар краенда булган.

Мәет 14 майда Усть-Лабинск районындагы шәхси йортта янгынны сүндергәннән соң табылган. Хатынның бугазына пычак кадалган, ә гәүдәсе келәмгә төрелгән була.

Полиция хезмәткәрләре тиз арада шикләнелүчеләрне ачыклап, кулга алган. Тоткарлаганда, аларның полиция хезмәткәрләренә каршылык күрсәтүләре әйтелә.

«Ир-атларның берсе авыр җинаятьләр өчен берничә тапкыр хөкем ителгән», – дип хәбәр итә «РЕН ТВ» чыганагы.

Тоткарланучыларга карата полициягә буйсынмаган өчен административ беркетмәләр төзелгән, шулай ук «Үтерү» маддәсе буенча җинаять эше кузгатылган.

ЧЫГАНАК: https://ren.tv/news/kriminal/1334076-dvoe-muzhchin-zarezali-zhenshchinu-zavernuli-telo-v-kover-i-podozhgli-dom

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday