“Бианай йоклаганымны яратмый…”

“Бианам килеп, елатып кайтып китте. Эх, син дә бит кайчандыр килен булгансың!..

Бианай килерен ирем һәрчак алдан әйтә иде. Бу юлы миңа да, аңа да әйтми килде. Мин соң яткач, балаларны мәктәпкә озаттым да йокларга яттым. Шул вакытта килеп кереп кычкыра башлады. Мин анламыйм: нигә кергән, кем кычкыра? Чынында исә ир өй ачкычларын аңа да биргән икән. “Шәрә азгын хатын булып йоклап ятасың!” – дигән иде, елый башладым. Кулым калтырап, халатымны кия генә алмыйм бит! Тиргәде дә чыгып китте…

“Төшкә кадәр йоклап ятасың, өең бардак, балаларга мәктәптән кайткач ашарларына юк! Кибет пилмәне ашатырга уйлыйсынмыни? Эшләмичә өйдә утырып”, – дип сүкте генә. Ә мине ирем эштән чыгарды. Ул төзелеш белән шөгыльләнә, акчаны яхшы эшли. Еш кына егетләрен ашарга алып кайта яисә эшләре туктамасын өчен аларга ашарга алып барыр кирәк. Балалар бакчасында тәрбияче булып эшли идем. Бианай: “Кеше балаларының горшогын тазартканчы, иреңне, балаларыңны кара”, – диде. Эшемне бик ярата идем.

Иремә барысын да елый-елый сөйләдем. “Ник алай ялангач йокладың, әнигә шок булган”, – ди. Үз өемдә бит мин, ничек телим – шулай йоклыйм. Ирем әйтә: “Элек тә уйлый идем сине көне буе йоклап тик ята дип, хәзер ышандым инде”, – ди.

Алар кайтканда өй чиста, ашарга пешкән була. Егетләрне ашарга алып киләм, дисә дә өстәл тутырып әзерлим. Моннан тыш, бакча, кош-корт та минем өстә. Ирем белән хәзер сөйләшмибез. Бианай балаларны да мәктәптән үзенә алып китә. “Әниегез эшсезлектән арыган, ял итсен”, – дип әйтеп кайтарган аларга…”

ЧЫГАНАК: https://kiziltan.ru/articles/gail-uchagy/2025-05-22/bianay-yoklaganymny-yaratmyy-4246420

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday