Имтихан алдыннан укый торган дога

«Аллаһы Тәгаләнең рәхмәте белән уку йортларында, мәктәпләрдә уку елы тәмамланып килә, күп кенә балалар, укучылар имтиханнарга керешәләр. Имтихан тапшыру – өйрәнгән гыйлемеңне тикшерү, алган белемнәрне ныгыту, искә төшерү дә булып та тора. Ләкин имтихан алдыннан укучы каушап китәргә, онытылырга да мөмкин», – дип яза пост авторы.

Шуңа күрә дә без имтиханнарга әзерләнү вакытында биредәге доганы кылырга онытмыйк:

رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِنْ لِسَانِي يَفْقَهُوا قَوْلِي

«Рабби-шрах лии садрии вә йәссир лии әмрии вәхлүл гукдәтәм-минәл лисәәни йәфкаһу каүлии».

«И Раббым! Минем күңелемне киң кыл! Эшемне миңа җиңел кыл. Сүземне яхшы аңлый алсыннар өчен, телемдәге төенне чиш».

Аллаһы Тәгалә укучыларга имтиханнарга әзерләнеп, уңышлы гына тапшырырга насыйп итсен!

«Әниләр мәчете» телеграм-каналы

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday