“Роспотребнадзор” бигрәк тә җәйге чорда гигиена һәм азык-төлек хәвефсезлеге кагыйдәләрен үтәүнең мөһимлеген искә төшерә.
Җәйге эссе көннәр вируслар һәм бактерияләр үрчү өчен уңай шартлар тудыра, эчәк авырулары куркынычын арттыра. Шуңа бәйле рәвештә “Роспотребнадзор” бигрәк тә җәйге чорда гигиена һәм азык-төлек хәвефсезлеге кагыйдәләрен үтәүнең мөһимлеген искә төшерә.
Белгечләр тәкъдимнәренә колак салыгыз:
— Эчәр алдыннан суны кайнатырга яки сыналган кибетләрдән сатып алынган шешә суын кулланырга.
— Җиләк-җимешне һәм яшелчәләрне агып торган су астында яхшылап юыгыз, аннары кайнар су коегыз.
— Ит, балык һәм салатларны бер ашау өчен генә әзерләгез, калган ризыкны алты сәгатьтән артык тотмагыз.
— Ризыкларны 70 градустан югары температурада эшкәртегез.
— Төрле ризыклар өчен аерым кисү такталары кулланыгыз һәм аларны даими яңартып торыгыз.
— Азык-төлек сатып алганда яраклылык вакытын һәм төргәкнең торышын исәпкә алыгыз.
“Роспотребнадзор” белгечләре урамда азык-төлек сатып алганда аеруча сак булырга, шикле сату нокталарын, юылмаган, бозыла башлаган җиләк-җимеш һәм яшелчәләрне урап үтәргә, шулай ук товарларның яраклылык вакытын карарга киңәш итә. Бу чараларның барысы да мөмкин булган авыруларны кисәтүгә һәм җәйге чорда азык-төлек хәвефсезлеген тәэмин итүгә юнәлтелгән.
Чыганак: https://kiziltan.ru/articles/iskra/2025-06-27/essed-nichek-agulanmaska-4292671
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday