Бу атнада Татарстанда әбиләр чуагының соңгы көннәре булачак. Бу хакта «Фобос» һава торышы үзәгенең әйдәп баручы белгече Евгений Тишковец хәбәр итте.
«Бүген республикада кояшлы һава көтелә, һава +23 градуска кадәр җылыначак. Чәршәмбедән җәй белән саубуллашырга була», – диде агентлык әңгәмәдәше.
Аның фаразы буенча, чәршәмбе көнне республикага салкын атмосфера фронты керә, аның тәэсире астында көндез температура +10…+13 градустан югары күтәрелмәячәк.
«Пәнҗешәмбе көнне, 25 сентябрьдә, иртән +7 градус, ә көндез +9…++12 градус булыр дип фаразлана. Җомга көнне көндез һава +7…+10 градуска кадәр җылыначак. Башкача әйткәндә, берничә көн эчендә республика июльдән октябрьгә күчәчәк, чөнки мондый температура күрсәткечләре нәкъ менә көзнең икенче аена хас», – дип билгеләде ул.
Ял көннәрендә салкын үзенең иң югары ноктасына җитәчәк, дип кисәтте спикер.
«Төнлә һава +2…+5 градуска кадәр суыначак, ә көндез температуры +9 градустан югары күтәрелмәячәк», – дип йомгаклады синоптик.
ЧЫГАНАК: https://tatar-inform.tatar/news/sinoptik-bu-atnada-tatarstanda-2-graduska-kadar-suyk-bulacak-5911420 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
