Бу хакта Россия финанс министры Антон Силуанов хәбәр итте.
Россиядә киләсе елда пенсияләрне һәм хезмәт хакларын күләмле индексацияләү планлаштырыла. Финанс министры хәбәр иткәнчә, түләүләрне арттыру киләсе ел бюджеты проектында каралган.
Индексация бюджет хезмәткәрләренең “күрсәтелгән категорияләре” хезмәт хакларына кагылачак. Финанс министрлыгы бәяләвенчә, номиналь хезмәт хакының үсеше 7,6 процент дәрәҗәсендә көтелә. Бер үк вакытта пенсия түләүләре, ветераннарга һәм инвалидларга пособиеләр, шулай ук “ана капиталы”, 2025 елгы факттагы инфляцияне исәпкә алып, 6,8 процентка яңадан исәпләнәчәк.
Иминият пенсияләрен арттыру яңа ел башыннан планлаштырыла. Ул эшләмәүче пенсионерларга да, эшләүчеләргә дә кагылачак. Үсеш 7,6 процент тәшкил итәчәк, шул ук вакытта индексациянең алдагы этаплары яз башына һәм көзгә планлаштырылган. Нәтиҗәдә, картлык буенча уртача пенсия 2026 ел ахырына якынча 27 117 сумга җитәчәк.
Шулай ук, яшәү минимумының күләме дә үзгәрәчәк. Ул 1,2 мең сумга үсәчәк һәм 18 939 сум тәшкил итәчәк. Димәк, пособиеләр һәм социаль түләүләр артачак.
Минималь хезмәт хакы (МРОТ) дәрәҗәсе дә сизелерлек үзгәрәчәк. 2026 ел дәвамында күрсәткеч 27 093 сумга кадәр артачак.
Чыганак: https://kiziltan.ru/articles/social/2025-10-23/pensiyal-r-m-hezm-t-haklary-indeksatsiyal-n-ch-k-4438066
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
