Көздән кайбер эшләрне башкарырга онытмагыз.
Алмагачлар киләсе елда да мул уңыш бирсен һәм төрле авыруларга бирешмәсен, дисәк, көздән кайбер эшләрне башкарырга кирәк.
Агач төпләреннән коелган яфракларны җыярга, чөнки аларда куркыныч гөмбәчекләр тупланган була.
Алмагач төпләрен казып чыксагыз, зарарлы бөҗәкләр, корткычлар кышкы салкыннарда туңып үләчәк.
Яфраклары коелып беткәч, алмагачларны бер тапкыр бордос сыекчасы яисә тимер купоросы белән эшкәртергә кирәк.
Иң мөһиме – вакытында ашлама кертү. Һәр агач төбенә ике чиләк тирес, 50 грамм суперфосфат һәм көл салырга кирәк. Әгәр көз коры килсә, алмагачларга су сибәргә онытмагыз. Салкыннар башланганчы агач төпләрен мүлчәләп чыгарга кирәген дә истән чыгармагыз. Моның өчен торф яисә черемә яхшы булачак.
Чыганак: https://kiziltan.ru/articles/poleznoe/2025-10-27/almagachlar-salkynnarga-bireshm-sen-dis-4443188
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
