Җырчының гаиләсенә сокланмаган кеше юк.
Ул улларны ничек дөрес тәрбияләргә кирәклеге турында киңәшләр бирде. Артистның ике баласы бар — улы Рафаэль һәм кызы Элина.
“Соңгы вакытта гаиләм белән, бигрәк тә улым белән, вакытны ешрак үткәрергә тырышам. Минемчә, бәхет беренче чиратта балаларны дөрес тәрбияләүдә, аларда әхлаклылык, яхшылык, батырлык һәм мәрхәмәтлелек тәрбияләргә кирәк”, – дип сөйли җырчы.
Әнвәр Нургалиев сүзләренчә, әтиләр һәм балалар проблемасы һәрвакыт булган һәм аны да читләтеп үтмәгән.
“Мин улым белән катырак булырга тырыштым, нигездә, үз позициямнән уйладым — искечә эшләдем, аңламаулар һәм җәнҗаллар булды. Бу булмасын өчен беренче чиратта улым белән дуслашырга кирәк иде, мин моны 2-3 ел элек эшләдем һәм, әлбәттә инде, барысы да үз урынына басты.
Нәтиҗә: балаларны яратыгыз, алар белән дус булыгыз, алар телендә сөйләшегез, кырыслык, әлбәттә, шулай ук кирәк, әмма чама белән” – ди артист.
Чыганак: https://kiziltan.ru/articles/kultura/2025-11-09/kyryslyk-ta-kir-k-4458595
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
