РФ Транспорт министрлыгы машина йөртүчеләргә җәйге шинаны кышкы резинага һава температурасы Цельсий шкаласы буенча +5..+7 градус булганда алыштырырга киңәш итте. Моны штрафлар түләмәү һәм юлда иминлекне тәэмин итү өчен 1 декабрьгә кадәр эшләргә кирәк.
Экспертлар ассызыклаганча, кышкы резина даими суыклар башлангач куелырга тиеш. 1 декабрьдән башлап февральгә кадәр җәйге шина белән йөрү тыела. Кышкы шинада «M+S», «MS» яки «M S» маркировкасы булырга тиеш. Резина шипланган яисә шипланмаган була ала.
Түбән температурада җәйге резинаның тыгызлыгы кими, тәгәрмәч юл өслеге белән начар тоташа башлый. Бу – тормозлау юлын озынайта һәм аварияләр куркынычын арттыра. Кышкы резинага күчүне соңгы мизгелгә кадәр сузмагыз – иминлегегез турында алдан кайгыртыгыз, диелә хәбәрдә.
ЧЫГАНАК: https://radio1.ru/news/obschestvo/mintrans-rossii-rasskazal-kogda-sleduet-pereobuvat-avtomobil-v-zimnie-shini ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
