Башкорстанда 20 яшьлек Өлфәт Әхмәтовның үле гәүдәсен тапканнар иде.
Контракт буенча хезмәт итеп, ялга кайткан солдатның гәүдәсен Бөрҗән айонында Агыйдел елгасында табалар.
Хәзер яңа нечкәлекләр ачылды. Баксаң, Өлфәтнең тәнендә имгәнүләр булган.
— Ул Агыйдел елгасының уң ягындагы «Антонов» кыясы янында, Кутаново авылына кадәр 4 чакрым ераклыкта табылган. Чигә тирәсендә киселгән ярасы булган.
Бу фаҗигале көндә ни булган һәм яшь кешегә кем җәрәхәт ясаганлыгы табышмак булып кала. Егетнең фаҗигале үлемендә гаеплене хокук сакчыларына ачыкларга туры киләчәк.
Өлфәт 13 августта өйләренә ялга кайткан булган. Шул ук көнне ул әтисе белән елга буена ял итәргә китә. Әтисе сүзләре буенча, Өлфәт елга буена төшә, суга керә, ә кире чыкмый. Эзләүләрне битараф булмаган авыл кешеләре оештырган. Контрактникны берничә тәүлек эзләгәннәр.
Чыганак: Кызыл Таң