Гамалеи исемендәге эпидемиология һәм микробиология тикшеренү үзәге директоры Александр Гинцбург коронавирусның дельта-штаммыннан тулысынча саклану өчен күпме антитәнчекләр кирәк булуын әйткән.
Дельтадан 300 антитәнчекнең (халыкара берәмлек) тулысынча саклый алуын ачыклый алдык, дигән ул. 500 берәмлектән артык булса, авыру куркынычын киметә. Бу коронавирустан саклану өчен идеаль сан икән. Әлеге күрсәткечләрне исәпләү өчен 4 мең кешене тикшергәннәр. Шул ук вакытта Гинцбург прививка кадатуның да мөһимлеген ассызыклый. Прививка ясатучыларның саны көненә ун тапкырга артса, инфекцияне берничә ай эчендә җиңәргә була, ди ул.
Чыганак: http://shahrikazan.ru/news/kyiskacha-ya%D2%A3alyiklar/kovidtan-tulysyncha-saklanu-chen-keshed-kpme-antitnchek-bulyrga-tiesh