25 ноябрь Кемерево өлкәсе Белов районында урнашкан «Листвяжная» шахтасында 5.08 сәгатьтә төтенләнү һәм аннан соң шартлау булган.
Фаҗига — вентиляциядә күмер тузаны яну сәбәпле килеп чыккан.
Кузбасста исән калган коткаручы — 51 яшьлек — Александр Закоряшин, ул аңында, аны Ленинск-Кузнецк хастаханәсенә озатканнар, дип хәбәр итә lifenews_ru
— Ике көн элек миңа янгын чыкканлыгы турында сөйләделәр, әмма моңа бер кеше дә игътибар бирмәде, безгә барыбер «эшләгез» диделәр. Алар һәртөрле исән чыгарга тырышып карадылар, вентиляция, һава керттеләр, болай-тегеләй итенделәр… Кайдадыр юлны яптылар. Шахтада — аста бөтен тишектән газ чыкты, бик көчле метан чыкты, — дип сөйли шахтёр.
Сүз уңаеннан, һәлак булганнарның гаиләләренә төбәкнең хөкүмәте 2 миллион сум акча түләргә вәгъдә итте.
— Бәлки безне утыртып та куярлар, ләкин мин дөресен әйтергә бурычлы, — дип тә өсти Александр исемле шахтер.
Соңгы мәгълүматлар буенча, 52 кеше һәлак булган.