Ул Римманың булачак иренә карата таләпләрен дә уйлап куйган инде. Җырчы әнисе сөйләгәнне социаль челтәрләрдә күрсәтте.
Кызының «Ахмат – Сила» җыры турында «подписчик»лары калдырган комментарийларны укып: «Син дә ошамагач, бу подписчикларыңа кем генә ошар икән. Ничек шулай язарга була?» – дип борчыла әни кеше.
«Әни, мин бриллиант та, алтын да түгел бит бөтен кешегә ошарга», – ди Римма.
«Син – минем бриллиантым. И кызым, ярый син кайтасың әле. Ай саен бөтен өйне җыештырып, юып, өйне көлеп калырлык итеп китәсең. Шушы уңган-булган кызыма бер кияү дә тапсак, дөнья түгәрәкләнә инде», – ди ул.
«Алтыным, сиңа нинди кияү кирәк соң?» – ди, Римма, көлеп.
«Акыллы, миһербанлы, тәүфыйклы, шәфкатьле, безне ярата торган, сине ярата торган. Килеп чыгар әле, үз насыйбың сине көтә торгандыр», – дип тезеп китә әнисе.
Римма әнисенә кияү егете белән тиздән таныштырачагын әйтә. Тик әнисе кызыннан бу сүзләрне көтмәгән булса кирәк. «Ә-ә?» – дип, аптыравын видеода да яшереп кала алмый ул.
чыганак: https://intertat.tatar/news/rimma-nikitinanyn-anise-kyzyna-nindi-kiyau-kirak-ikanlegen-aitkan-5869107 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday