Моннан берничә ел элек аерылган Руслан Кираметдинов әле тиз генә яңа гаилә корырга ашыкмаячагы турында әйткән. Җырчы бу юлы аек акыл белән уйлап өйләнергә җыена. «Туган тел» телеканалындагы «Сер итеп кенә» тапшыруыннан өзекне җырчыны туган көне белән котлап куйдылар.
Сине сәхнәдә «буйдак» дип игълан иттеләр. Шулай да сорыйм әле – буйдакмы соң син?
Буйдак әле, буйдак.
Димәк, кызларның өметләре бар әле.
Бар, өметләре. Йөрәгем буш.
Ошаган кыз килеп чыкса, озак аралашып йөрергә планлаштырасыңмы, әллә инде тизрәк гаилә корырга уйлыйсыңмы?
Гаилә корырга ашыкмыйм. Бөтен әйберне акыл белән уйларга кирәк. Аннан мин хатын-кыз артыннан чаба торган кеше түгел. Аллаһы Тәгалә ничек язган – шулай булыр ул. Иртәгә нәрсә буласын да белмибез, – дигән җырчы.
«Йөрәгем буш» дисә дә, Руслан, вакыт-вакыт, социаль челтәрләргә серле кызлар белән төшкән фотоларын урнаштыра. Җырчы янында бик еш күренүче кызның Чаллы ТВ алып баручысы Лилия Гатина икенлеге ачыкланган иде. Ә менә соңгы фотоларындагы яшь кенә бер чибәркәйнең кем икәнлеген Руслан берничек тә шәрехләмәде.
чыганак: https://intertat.tatar/news/ruslan-kirametdinov-gaila-koryrga-asykmyim-5869832 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday