Архивы Башкортостан - Tatar Today - татар яңалыклары.

“Башкорт хуҗабикәсе” гадәти булмаган образда чыккан

Рамиля Валиахметова — Wed, 10 Jun 2026 10:32:23 +0000

“Башкорт хуҗабикәсе” язылучыларын гаҗәпләндергән.

Танылган блогер алдында гадәти булмаган образда чыккан. Ул 46 ел эчендә беренче тапкыр үзенә тоташ су коену костюмы сатып алуын хәбәр иткән. Миләүшә Шәйхлисламова хәзер Төркиядә ял итә һәм матур образлары белән язылучыларны даими гаҗәпләндерә. – Сезнең тәкъдимегез буенча тоташ су коену киемнәре киеп йөрим. Ябыккан саен, шундый кием киям. “Пончик” булганда, бикини киеп йөри идем, үземнең матур, сусыл түгәрәк гәүдәмне, матур корсагымны күрсәтә идем. Ә хәзер минем тирем салынып төшкән, ямьсез булып асылынып тора, шуңа күрә тоташ су коену костюмы сатып алырга туры килде”, – ди блогер. Әйткәндәй, ачык кызыл купальник аңа бик килешә, аның яңа фигурасын ассызыклый.

ЧЫГАНАК: https://omet-rb.com/news/bolar-kyzykly/2026-06-10/ponchik-bulganda-bikini-kiep-y-ri-idem-4716450

Запись “Башкорт хуҗабикәсе” гадәти булмаган образда чыккан впервые появилась Tatar Today - татар яңалыклары..

“Башкорт хуҗабикәсе” тагын шаккаттырды

Рамиля Валиахметова — Thu, 04 Jun 2026 08:00:15 +0000

Ул тагын операциягә әзерләнә. Бу юлы нәрсә булачак?

Танылган блогер үзенең трансформациясенең киләсе этабы турындагы яңалыгы белән уртаклашты.

Бу юлы аның максаты эстетик пластика. Ул рәсми рәвештә күкрәк ясатырга ниятләвен белдерде. Операциянең якынча датасы- сентябрь.

Элегрәк ул аудиториягә тиз ябыгу нәтиҗәләре турында ачыктан-ачык сөйләгән иде. Ашказанына операция ясатканнан соң авырлыгын кискен югалту аркасында, аның күп күләмдә артык тиресе барлыкка килеп, хатын бу аңа физик һәм әхлакый уңайсызлык тудыра дип берничә тапкыр зарланды.

Хәзерге операция бары тик күкрәккә генә кагылса да, җанатарлар моның организмның глобаль «апгрейд»ының бер этабы гына булуына шикләнми. Фолловерлар шәрехләрдә ике лагерьга бүленгән: берәүләр блогерны авыр ябыгу юлыннан соң үзен ышанычлы хис итү теләген хуплый, икенчеләре, күптән түгел ашказаны-эчәк трактына җитди тыкшынуны исәпкә алып, сәламәтлеге өчен борчыла.

“Башкорт хуҗабикәсе” үзе исә оптимистик кәеф саклый һәм язылучыларны сентябрь операциясенә әзерлек турында хәбәрдар тотарга вәгъдә итә.

ЧЫГАНАК: https://kiziltan.ru/articles/raznoe/2026-06-04/bashkort-hu-abik-se-tagyn-shakkattyrdy-4709564

Запись “Башкорт хуҗабикәсе” тагын шаккаттырды впервые появилась Tatar Today - татар яңалыклары..

Рөстәм Нәбиев рекорд куйган

Рамиля Валиахметова — Wed, 03 Jun 2026 11:53:23 +0000

Күптән түгел ул тормышында тагын бер җиңү яулады: кулларында Эверест тавыныд түбәсенә күтәрелде. “ВТ” хәбәрчесе рекорд куйган Рөстәм Нәбиевнең хәлләрен белеште.

– Иң зур җиңүем гаиләм янына исәнсау кайту булды. Балаларым да сагынган, Индирам да көткән. Үземнең дә кәефем бик яхшы. Тауга менеп төшкәннән соң сәламәтлекккә бәйле күңелсезлекләр булмаса ярар иде, дигән идем. Шөкер, бернигә дә зарланмыйм, –ди Рөстәм. –Эверестка кулларымда гына менәр адыннан Аллаһы Тәгаләдән исәнлек сорап, үзем белгән догаларны укыдым. Анда чакта могҗизалар күп булды. Бәлки күкләрдәге әти-әнием дә көч биргәндер. Хәзер менә өйгә кайткач, баштан узганнарны уйлап утырам. Шуның кадәр биеклеккә күтәрелер өчен каян килде икән моның кадәр көч? Яшермим, тауга менгәндә төрле чаклар булды. Утырып елаган вакытлар да булды. Ниләр күргәнемне, нәрсәләр кичергәнемне үзем генә беләм. Тауда күп еллар элек һәлак булган кешеләрнең мәетләре дә очрады. Мин дә исән кайтмау куркынычы барлыгын белеп чыгып киттем. Бар да яхшы булачак, дигән уй яшәтте мине. Янымдагы дусларыма рәхмәт. Без бергә барлык авырлыкларны да җиңә алдык. Хәзер менә уйлыйм: мактанып әйтүем түгел – Эверестка минем кебек кулларында гына күтәрелүче башка булмастыр инде ул.

Рөстәм барысын да сөйләп бетерми. Әмма тауга менү җиңел түгеллеген, бик авыр булганын да яшерми.

Анда чакта иң гади әйберләрне дә сагындым. Бөтен тормышымның кадерен аңладым. Җаем булган саен гаиләм белән элемтәгә керергә тырыштым. Алар да миңа көч бирде, – ди Рөстәм. – Бөтен кеше миңа соклана. Кирәкми, миңа түгел, Индирага сокланырга кирәк ул. Мин тауларда чакта берүзе өч бала белән калды. Бар тормыш аның өстендә иде. Телефон аша сөйләшкәндә дә мин аны гел юатып тордым. Индиракаем, мин кайткач, берәр җиргә ялга барырсың, дидем. Безнең гаиләдә эшләр бүленгән инде. Ике кызны мәктәпкә, бакчага, түгәрәкләргә йөртү минем өстә, ә хатыным үзен кечкенә улыбызга багышлады. Хәзер инде мин кайттым, бар да яхшы булыр, дип уйлыйм. Барлык якыннарымны сагындым. Бөтенесе шалтырата, үзем дә хәлләрен беләм. Ә иң рәхәте – балаларымның шат елмаюларын күрү. Ә менәсе таулар тагын бар әле ул. Насыйп булса…

ЧЫГАНАК: https://vatantat.ru/news/rekord-kuigan-rostam-nabiev-menase-taular-tagyn-bar-ale-ul-115693

Запись Рөстәм Нәбиев рекорд куйган впервые появилась Tatar Today - татар яңалыклары..

Гөлназ Асаева тирәсендә шау-шу чыккан

Рамиля Валиахметова — Fri, 29 May 2026 08:30:55 +0000

Ул башкарган җыр өчен 1 миллион сум штраф таләп иткәннәр.

Җырчы Анна Асти үзенең «По барам» җырына татарча язылган каверны кулланган өчен суд аша 400 мең сум компенсация алган.

Шау-шу Стас Ярушин алып барган «Музлофт-Тур» проектынада башланган. Аның бер чыгарылышында Башкортстанның атказанган артисты Гөлназ Асаева «По барам» җырын татарча башкарган. Ярушинның үзе әйтүенчә, артист ягыннан дәгъва аңа көтелмәгән хәл булган һәм шок тудырган.

«Rusprofile»да басылып чыккан материалларга караганда, дәгъвачы әйтүенчә, җаваплы кешеләр җыр текстын тәрҗемә итү, аны тарату һәм аудиовизуаль контент составында куллану аша җырның эксклюзив хокукларын бозган.

Башта җаваплы кешеләр арасында Стас Ярушин да булган, ләкин соңрак ул, видеосервис хуҗасы кебек үк, җаваплылыктан котыла алган. Ә популяр видеопорталдан һәм кавер урнаштырылган каналның администраторы Сабина Алиевадан авторлык хокукларын бозган өчен бер миллион сум таләп иткәннәр. Сабина Алиева бозу фактын таныган, ләкин дәгъва ителгән компенсация суммасының югары булуын әйткән. Нәтиҗәдә, суд түләүне 400 мең сумга кадәр киметкән. Моннан тыш, 22 мең сум дәүләт пошлинасы түләттерелгән.

ЧЫГАНАК: https://kiziltan.ru/articles/novosti/2026-05-29/g-lnaz-asaeva-tir-send-shau-shu-chykkan-4703148

Запись Гөлназ Асаева тирәсендә шау-шу чыккан впервые появилась Tatar Today - татар яңалыклары..

Элвин Грей яңа һөнәр үзләштерә

Рамиля Валиахметова — Tue, 05 May 2026 08:27:22 +0000

Башкортстанның халык артисты Радик Юлъякшин тәүге тапкыр үзаллы татуировка ясаган. Беренче тәҗрибәсе белән ул социаль челтәрләрдә уртаклашкан.

Элвин үзенең популяр булган бер җырының исемен сурәтләгән (“Уфтанма”). Аның бер хезмәттәше укытучы һәм тәҗрибә ясаучы сыйфатында чыгыш ясаган.

“Гастрольләр арасында мин ниндидер яңалыкларга да вакыт табам, – дип язган җырчы үзенең Телеграм-каналында. – Мин беренче тапкыр тату ясадым, һәм, миңа калса, бераз өйрәнергә кирәк әле. Комментарийларда бәяләгез”.

Шундый ук “Уфтанма” татуировкасы Элвин Грейның үзенең кулында да пәйда булган. Комментарийларда җырчының җанатарлары “Тату остасы Радик Юлъякшин”нан аларга да татуировка ясавын үтенгән.

ЧЫГАНАК: https://omet-rb.com/news/yoldyzlar-tormyshynnan-/2026-05-04/elvin-grey-ya-a-n-r-zl-shter-4673650

Запись Элвин Грей яңа һөнәр үзләштерә впервые появилась Tatar Today - татар яңалыклары..

“Башкорт хуҗабикәсе”н ташлап киткәннәр

Рамиля Валиахметова — Fri, 24 Apr 2026 08:28:02 +0000

Аның холкына чыдый алмыйлар бугай.

“Башкорт хуҗабикәсе”ннән ассистенты киткән.

Әйтергә кирәк, ул, чыннан да, бик нык, шәп эшли. Командадан да шуны ук таләп итә. Аның темпы, чиксез бурычлары бөтен кешенең дә көченнән килми. Хезмәткәрләр китә – бу инде имеш-мимеш түгел, ә тренд. Блогер үзе дә яшерми: аның белән эшләү җиңел түгел.

“Башкорт хуҗабикәсе”нең ассистенты вакансиясе ачык. Таләпләр: корыч нервылар, үзеңне данлау теләге булмау. Миллионлы аудиторияле хуҗабикә булу җиңелме? Күрәсең, юк. Аның белән эшләү җиңелме? Шулай ук юк.

Ә теләге булучылар бәхетен сынап карый ала.

ЧЫГАНАК: https://kiziltan.ru/articles/raznoe/2026-04-24/bashkort-hu-abik-se-n-tashlap-kitk-nn-r-4663433

Запись “Башкорт хуҗабикәсе”н ташлап киткәннәр впервые появилась Tatar Today - татар яңалыклары..

Элвин Грей Олег Газманов белән җырлаган ди

Рамиля Валиахметова — Wed, 15 Apr 2026 11:41:40 +0000

Башкортстан һәм Татарстанның атказанган артисты, татар һәм башкорт эстрадасының танылган җырчыларыннан берсе Элвин Грей (чынбарлыктагы исеме – Радик Юльякшин) Мәскәүдә, гаять зур стадионны тамашачылар белән тутырып, концертлар уздырган.

Россия халык артисты, атаклы җырчы һәм продюсер Олег Газманов Элвин концертларының махсус кунагына әйләнгән. Алар, икәүләшеп, “Звездочка в стакане” җырын башкарган, дип яза “KazanFirst”.

– Радик – молодец. Карагыз әле, бүген зал тутырып тамашачылар җыйган. Бөтен гомерегез буе аның белән буласыгызга өметләнәм. Без ир-ат дуэтына җәлеп иткән бердәнбер артист ул, мөгаен, – дип билгеләп үткән Олег Газманов.

Ике артист берничә ел буе дуслык элемтәләрен саклап килә икән инде. Элвин Грей Россия эстрадасы “йолдызы”нда кунакта да булып киткән хәтта. Газманов моңарчы да Элвин Грей концертларында булгалаган.

– Олег Газмановка – инде күптән бетмәс-төкәнмәс көч-дәрт, намуслылык һәм гаҗәеп талант символына әйләнгән кешегә карата ихтирам-хөрмәтем һәм рәхмәтем гаять зур. Аның белән бергә дуэт башкару минем өчен гади чыгыш кына түгел, бәлки иҗади олыгаю мизгеле дә, – дип билгеләп үткән Элвин Грей.

ЧЫГАНАК: https://vatantat.ru/news/iadi-olygaiu-mizgele-elvin-grei-oleg-gazmanov-belan-yrlagan-114254

Запись Элвин Грей Олег Газманов белән җырлаган ди впервые появилась Tatar Today - татар яңалыклары..

Рөстәм Нәбиев завещание язып калдырган

Рамиля Валиахметова — Sat, 11 Apr 2026 10:36:51 +0000

Рөстәм Нәбиев Эверест тавын яуларга киткән һәм завещание язып калдырган.

Ике аягын казарма җимерелү сәбәпле югалткан уфалы бүген дөньяның иң биек ноктасына экспедициясен башлады.

Рөстәм – куллары белән генә, бернинди ярдәмсез тауларга менә торган дөньядагы бердәнбер кеше. Биш ел эчендә ул Эльбрус, Манаслу, Арарат, Казбек, Килиманджаро, Аконкагуа һәм Ирәмәлне яулаган. Хәзерге максат – диңгез өслегеннән 8800 метр биеклек.

«Кем уйлаган булыр иде, 2020 елда Эльбрусны яулаган Рөстәм алты елдан соң дөньяның иң биек ноктасына күз салачагын. Алда безне уникаль сәяхәт көтә. Мин бу юлга аңлы рәвештә һәм үз-үзем белән килешү буенча барам», – дип язган ул очып киткәнче.

Блогер ике айга киткән. Ул барлык юридик мәсьәләләрне хәл итүен хәбәр иткән:

«Мин һәрвакыт тауга киткәндә, васыятьнамә язам. Без монда бик куркыныч урын булуын һәм теләсә нәрсә булырга мөмкинлеген аңлыйбыз. Безгә бәйле булмаган әйберләр бар. Бу мин үләргә китәм дигән сүз түгел, бу миңа тынычлык бирә торган бер төрле саклык чарасы».

Уңышлар телик!

ЧЫГАНАК: https://omet-rb.com/news/bolar-kyzykly/2026-04-08/r-st-m-n-biev-zaveschanie-yazyp-kaldyrgan-4644764

Запись Рөстәм Нәбиев завещание язып калдырган впервые появилась Tatar Today - татар яңалыклары..

11 яшьлек балада – инсульт

Рамиля Валиахметова — Wed, 08 Apr 2026 10:25:10 +0000

Аның хәле ничек?

Башкортстанда, Стәрлетамакта табиблар 11 яшьлек кызда ишемик инсульт диагнозы куйган. Ашыгыч ярдәм күрсәтү өчен урынга санитария авиациясе бригадасы очты.

Республика балалар клиник дәваханәсе (РДКБ) табиб-реаниматологы пациентканы караган һәм аны кичекмәстән Уфага күчерергә карар кылган.

Хәзер кыз реанимация бүлегендә. Табиблар дәвалауны дәвам итә, баланың хәле авыр, әмма тотрыклы дип бәяләнә. Балада инсультның ихтимал сәбәпләре турында хәбәр ителми.

ЧЫГАНАК: https://kiziltan.ru/articles/zdorovie/2026-04-06/11-yashlek-balada-insult-4641436

Запись 11 яшьлек балада – инсульт впервые появилась Tatar Today - татар яңалыклары..

Элвин Грей: «30дан үсеш башлана икән…»

Рамиля Валиахметова — Fri, 03 Apr 2026 15:12:02 +0000

Татарстанның һәм Башкортсанның атказанган артисты, Башкортстанның халык артисты Элвин Грей «Татар радиосында» эфир вакытында кызыклы фикер белән уртаклашкан.

«30 яшьтән соң мин зурая башладым. Бөтен җирем дә үсә. Элегрәк мин 41нче размер аяк киеме кия идем. Хәзер 44нчене киям. Менә миңа хәзер 36 яшь. Шул еллар эчендә бөтен җирем дә үсте», – дип шаяртып сөйләгән җырчы.

ЧЫГАНАК: https://vatantat.ru/news/elvin-grei-30dan-uses-baslana-ikan-boten-irem-usa-113873

Запись Элвин Грей: «30дан үсеш башлана икән…» впервые появилась Tatar Today - татар яңалыклары..