Чынлап та, яңа редактор эшли башлаган беренче биш-алты елда газета, Россиянең иң зур санлы матбугат вәкилләреннән берсе буларак, Мәскәүдән сертификатлар алып торды. Әмма интернетның иң ерак авыл өйләренә кадәр барып керүе, кәгазь, почта бәяләре, әбунә бәяләре арту атнага дүрт мәртәбә чыга торган газетага тираж мәсьәләсендә элек яуланган үрне саклау мөмкинлеге калдырмады.

Минназыйм «Татарстан яшьләре»ндә тәрбияләнгән кадр буларак, демократия тарафдары иде. Ул журналистларга иҗат иреге бирде. Зыялы, тәрбияле, тыйнак кеше буларак, башкаларны кимсетмәде. Фикере булган авторларның кискен-кискен язмаларын газетада чыгарудан куркып тормады. Үзе дә яза иде.

Аның кайбер гомумрәсәй сәясәтенә караган язмаларын хәтта, тәрҗемә итеп, русча газеталар да бастырып чыгарды. Ләкин дөнья нык үзгәрде. Илбашы кискен язмалар кирәклеген әйткәләп торса да, тәнкыйть югары структураларда бик үк хупланмый башлады.

Менә хәзер Миңназыйм Сәфәров эшеннән китеп барганда кайберәүләр аны, редактор буларак, тешсезлектә, тираж төшерүдә гаеплиләр. Замана шартларына, замана басымына иң көчле редактор да каршы тора алмый. Чөнки ул, интернеттан аермалы буларак, кәгазь басмадагы һәр сүз өчен башы белән җавап бирә.Карыша башласа, урыныннан китә.

Минназыйм, син күп кенә яшьләрне үзең укытып, газетага эшкә алып килдең, үстердең. Аларның күбесен, ипотекага булса да, фатир белән тәэмин иттең. Әгәр ул эш башкарылмаса, бүген редакциядә эшләргә журналистлар калмас иде. Синең тагын бер күркәм сыйфатың – өлкәннәр белән дә уртак тел табып, татулыкта яшәдең. Гомумән, син кешелекле кеше. «ВТ» ветераннары киләчәк эшеңдә, тормышыңда уңышлар тели. Эш сөйгәнгә – эш табыла ул.

Илсөяр Хәйруллина,
РФ һәм РТның атказанган мәдәният хезмәткәре, Мәгариф

Фото: Азатлык

Запись “Минназыйм Сәфәровны тешсезлектә, тираж төшерүдә гаеплиләр, әмма…” впервые появилась Tatar Today - татар яңалыклары..

Әлеге мәсьәләне Дәүләт Советының кичә узган сессия утырышында карадылар. «Сезгә газета эшен авыр вакытларда шулай нәтиҗәле алып барганыгыз өчен олы рәхмәтебезне белдерәбез», – диде Миңназыйм Сәфәровка Дәүләт Советы Рәисе урынбасары Римма Ратникова. «Ул Аллаһтан бирелгән журналист, редактор. Татар милләтенең намусы да», – диде депутат Илшат Әминов.

«Сезгә газета эшен авыр вакытларда шулай нәтиҗәле алып барганыгыз өчен олы рәхмәтебезне белдерәбез», – диде ул. Дәүләт Советы Рәисе урынбасары Юрий Камалтынов Миңназыйм Сәфәровның башка эшкә күчүен әйтте. «Ул Аллаһтан бирелгән журналист, редактор», – диде депутат Илшат Әминов.

Гөлнара Сабирова 1982 елның 22 апрелендә Татарстан АССР Аксубай районының Яңа Дума авылында туа. Казан дәүләт университетын «Журналистика” белгечлеге буенча тәмамлаган. Төрле елларда «Ватаным Татарстан», «Татарстан яшьләре» газеталарында, Татарстан Республикасы Сәламәтлек саклау министрлыгында, «Барс-Медиа «да эшләде. Гөлнара Сабирова шулай ук Казандагы 2013 елгы XXVII Бөтендөнья җәйге Универсиада Башкарма дирекциясенең рәсми сайтына хезмәт күрсәтү бүлеге җитәкчесе, массакүләм мәгълүмат чаралары үсеше Департаментының милли проектлар җитәкчесе, «Татмедиа” АҖ басма матбугат чаралары Департаментының милли проектлар бүлеге җитәкчесе булды. Соңгы елларда “Шәхри Казан” газетасы һәм “Сөембикә” журналы белән җитәкчелек итте.

Фото: Татар информ

Запись Миңназыйм Сәфәровның “Ватаным Татарстан”нан ник китүе билгеле впервые появилась Tatar Today - татар яңалыклары..

“Сайра, әйдә, сандугач” җырын башкарганда Фирдүс Тямаев залга төшеп бар халыкны биеткән. Халык аягүрә торып, кул чабып, кушылып җырлап, рәхәтләнеп биегән.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Шулай ук концертта татар эстрадасының танылган артистлары: Асылъяр, Алмаз Мирзаянов, Гөлдания Хәйруллина, Нурзадә, Илсур Мортазин, Алинә Давыдова, ИлСаф, Азат Тимершәех, Фирүс Тямаев, Эльвира Хамматова, Гөлнара Габидуллина, Люция Мусина, Венер Салимов һәм башкалар чыгыш ясаган.

Запись Фирдүс Тямаев шыгрым тулы залны аягүрә бастыра [видео] впервые появилась Tatar Today - татар яңалыклары..