Филармониядәге концертларына бер ай вакыт калды, шуңа күрә болар ябыгырга уйлаган. Дөресрәге, Айсылу уйлаган, ә Рәнисне иптәш итеп сайлаган. Айсылу Габдинова фикеренчә, Рәнис үзе дә “бургер кебек булган”. 1 ай эчендә Рәнис белән Айсылу 5 килограмга ябыгырга тиеш! Кем ябыкмый, шул Бауман урамы буйлап шләпә тотып җырлый икән.

View this post on Instagram

A post shared by Айсылу Габдинова (@aisylu_gabdinova)

Запись Айсылу Габдинова белән Рәнис Габбазов бер-берсенә каршы дуэльга чыга [видео] впервые появилась Tatar Today - татар яңалыклары..

“Манзара” музыкаль премиясен оештыручы, продюсер Айдар Шәймәрданов.

Батыр булып Теләчедән Раил Нургалиев калды. Аңа 100 мең сум күләмендә акчалата приз бирелде. Ә сәхнәдә “батыр” калучыларны фотолардан күреп таный аласыз.

View this post on Instagram

A post shared by 🔻 Данил Сафаров 🔻 (@danilsafaroff)

View this post on Instagram

A post shared by GONGTV (@gongtv_official)

View this post on Instagram

A post shared by ВЕДУЩИЙ КАЗАНЬ Рузиль (@ruzilgilfanov)

View this post on Instagram

A post shared by GONGTV (@gongtv_official)

https://www.instagram.com/p/BeL9pfUjQCo/?taken-by=alinasafiullllina

Запись Келәмдә – көрәш, сәхнәдә – җырчылар: “Манзара” премиясе ничек үтте? [фото, видео] впервые появилась Tatar Today - татар яңалыклары..

– Сәидә, иң беренче яхшылык кылуыңны искә төшерүдән башлыйк әле әңгәмәне.

– 2010 еллар булгандыр ул. Әлбәттә, ул вакытны акча белән булыша алырдай мөмкинлегем юк иде. Без гаиләм белән барлык уенчыкларымны балалар йортына илтеп бирдек. Андагы балаларның нык шатланулары истә калган. Кемгәдер файдалы булу хисенең рәхәт икәнен шунда аңладым.

– Яхшылык нәрсә ул синең өчен?

– Әлеге төшенчәгә төгәл җавап юктыр. Аны күңел белән сизәргә кирәк. Кемнедер бәхетле итә алу – үзе бер бәхет. Материаль яктан гына булышу турында сүз бармый. Бәлки кешенең йомышын үтәргә кирәктер, шулай ук кайвакыт бер яхшы сүз дә онытылырга ярдәм итә. Үзеңнең ярдәмгә мохтаҗ икәненеңне оныту – терелүгә бер адым ул.

– Бүген хәйрия белән күпләр шөгыльләнә. Ничек уйлыйсың, бу уңай күренешме?

– Минем уйлавымча, хәйрия бүген популярлашып китте. Хәйрия концертларына еш чакыралар, ни кызганыч, барысына да өлгереп булмый. Булдыра алганча, катнашырга тырышам. Тик миңа шунысы бик ошап бетми: ни өчендер эстрада концертларын министрлар, депутатлар һәм башка “текә машиналарда йөрүчеләр” калдырмыйлар, ә хәйриягә килгәндә, аларның эзе дә юк. Акчалары җитмидер, күрәсең…

– Хәйрия белән шөгыльләнүне кирәк дип табасыңмы?

– Әлбәттә, бүген чакырылган чараларның һәммәсендә катнашырга тырышам. Мине эстрада концертлары, гомумән, кызыксындырмый. Имтиханнарга әзерләнгәнгә күрә, буш вакытым да юк диярлек. Тик кешегә ярдәм кирәк булса, һичшиксез вакыт табарга тырышам – берничә дәресне калдырырга туры килә.

– Уку дигәннән, сиңа җырчы булуың комаучаламыймы?

– Чын дөресен әйткәндә, “Беренче канал”да баручы “Голос” проектында катнашу укуыма зыян китермәде түгел. Җиденче һәм сигезенче сыйныф программаларын, тугызынчы класста укыганда, өйрәнергә туры килде. Бүген үземнең бар көчемне гел укуга юнәлдерергә тырышам.

– Хәзер син 10 сыйныф укучысы. Укуыңны кайда дәвам итәргә исәплисең?

– Әлегә төгәл белмим, тик шулай да иҗат белән бәйле уку йортына керәсем килми. Гаиләм дә сәхнә тормышына бераз каршы. Минемчә, кыз бала гаиләдә яхшы хәләл җефете һәм үрнәк ана булырга тиеш. Ә җырчы булсаң, шәхси тормышыңа вакыт калмаска мөмкин. Бүген мин бары тик хәйрия чараларында һәм мөселман бәйрәмнәрендә генә катнашам.

– Димәк, “Голос” та катнашу бүләк иткән “йолдызлы” шаукым инде үтте?

– Мин үземне күктәге йолдыз булып тоймадым да. “Йодызлык чире” мине читләп үтте. Гади булып калырга гаиләм биргән тәрбия булышты. “Голос” проектында көчемне сынап карау – тормыш тәҗрибәсе. Анда катнышуыма бер дә үкенмим. Җыр – минем аерылмас дустым, тик кыз бала бәхете минем өчен кадерлерәк.

– Әллә кияүгә чыгарга уйлыйсыңмы…

– Башта укырга керергә кирәк, мин алдагы тормышым турында әйтәм. Үз балаларымның да сәхнә кешесе булуларын теләмәс идем. Ул бик авыр өлкә, һәм шул ук вакытта начар яклары да бар. Бик күп очракта җырчы “продукт”ка әйләнеп куя. Үзем, Алла боерса, баламны йоклатканда, бишек җырын җырлармын.

Алинә Айдарова

Запись Сәидә Мөһәммәтҗанова: «Хәйрия чараларында һәм мөселман бәйрәмнәрендә генә катнашам» впервые появилась Tatar Today - татар яңалыклары..

Гөлнара үзе хәйрия концертларында катнашуны уңай күренеш, дип саный. “Хәйрия чараларында катнашу миңа ниндидер өстән иңгән рәхәтлек, тынычлык бирә”,  ди җырчы. Күп артистлар катнашкач, бердәмлек хисе арта, иң-иңгә таянып, ярдәм итү теләге туа, дигән фикердә Гөлнара Габидуллина. Аңа үзенә мондый концертларда бик күп катнашырга туры килә икән. “Җаным сызлый… Барысын да йөрәк аша үткәрәм. Балалар өчен чыгыш ясаганда бигрәк тә. Аз булса да, ярдәм тисен иде шуларга, дим. Үзебезнең гаиләдән үткән әйбер бу: энем 1 нче төркем инвалид”, дип хисләре белән бүлешә артист.

– Мең рәхмәт сүзен кемгә әйтәсез? – дигән сорауга, ул:

– Бу тормышта әти-әниемә рәхмәт әйтәм. Аларга Аллаһы Тәгалә исәнлек-саулык насыйп итсен!

28 ноябрь УНИКС концертлар залында “Мең рәхмәт” хәйрия чарасы узачак. Биредә татар эстрадасының танылган җырчылары чыгыш ясаячак. Шулар арасында моңлы сандугач Гөлнара Габидуллина да бар.  Килегез, күрегез! Изге эштән сезгә читтән калмыйк!

Запись Гөлнара Габидуллина: «Балалар өчен чыгыш ясаганда җан сызлый» впервые появилась Tatar Today - татар яңалыклары..

 –Яхшылык ни ул, сезнеңчә?

– Яхшылык – ул һәрчак якыннарыңның, дусларыңның хәл-әхвәлен белешү, алар турында кайгыртып тору. Гадәти нәрсәләрдән башлана бит ул! Нинди генә вакыт булмасын, шатлык килдеме, сагышмы, бер-береңә терәк булып, аралашып тору да яхшылык. Хәйрия темасына килгәндә, традициягә кереп китте ул минем концертларда катнашу. Картлар йортларына да, интернатка да төркемем белән  барабыз. Никтер күңелемә якын шул гамәл. Җырлаганда өлкәннәрнең күзләренә карамаска тырышам… Алар җырларны шундый яратып кабул итә, шундый самими… Картлар йортыннан авыр тойгылар белән кайтам, әлбәттә. Шунысын да әйтеп үтим: хәйрия концертлары татар эстрадасы артистларын дуслаштырды һәм берләштерде дә әле. Әлбәттә, мохтаҗлар барлыгын белү бик авыр. Булдыра алганча тырышабыз, ярдәм итәбез. Минем җыр башкарып, концертта катнашуым нинди дә булса нәтиҗә бирсә, бик әйбәт инде ул. Үзем дә әниемне югалттым… Янымда якын дусларым булды. Кешегә матди ярдәм генә түгел, рухи ярдәм дә кирәк бит әле, шунысы да мөһим. Кайгы килгәч кемнең кем икәне беленә ул. Бер белмәгән кешеләрнең булышырга әзер торуларын күрү дә рәхәт иде. 

– Мең рәхмәтне сез кемгә әйтер идегез?

– Мең рәхмәт сүзен мин әниемә әйтәм. Ул мине дөньяга тудырган, үстергән, тәрбия биргән, кеше иткән!

Запись Нурзадә: «Хәйрия концертлары татар эстрадасы артистларын дуслаштырды» впервые появилась Tatar Today - татар яңалыклары..